Қытайға кіріп-шығу тәртібі өзгереді

Енді ел азаматтары Қытайға сапарлау кезінде әуежайға кем дегенде 3 сағат бұрын баруы керек. Өйткені, Қытай еліне кіріп, одан шығу үшін иммиграциялық бақылаудан өту кезінде құжаттарды тексеру рәсімі бұрынғыдан да ұзақ уақыт алуы мүмкін.Жаңа талап 15 қыркүйектен бастап күшіне енеді.Бұл туралы FlyArystan әуе компаниясының баспасөз қызметі хабарлады. Осы ретте  компания жолға шықпас бұрын қажетті құжаттарды, оның ішінде төлқұжаттың бар-жоғын және жарамдылық мерзімін алдын ала тексеруді ұсынып отыр. Айта кетейік, ел азаматтары Шығыстағы көршіміздің жерінде 30 күнге дейін визасыз жүре алады.