Индонезияда әуежайлар қайта ашылып жатыр

Индонезияда вулканның атқылауы салдарынан жабылып қалған әуежайлардың бесеуі өткен түні қайта ашылды. Олар екі күн бойы жұмыс істемеген. Соның салдарынан 3 мыңға жуық рейс доғарылып, 340 мыңнан астам жолаушы сапарға аттана алмады.

Айта кетсек, Анак-Кратау жанартауы жұма күні оянып, 15 мың метр биіктікке от пен күл шашты. Одан ұшақтарға қауіп төніп, ел астанасы Джакарата мен Лампунг провинциясын күл басты.

Дегенмен вулкан белсенділігі бүгін толық басылған жоқ. Сондықтан бірнеше авиациялық порт әлі жабық тұр.