Өнеркәсіп саласына 183 мың маман қажет

Өнеркәсіп саласына 183 мың маман қажет. Бүгін Үкіметте Оқу-ағарту министрі қай салаларда маман тапшылығы бар екенін жариялады. Өнеркәсіп саласына 183 мың, IT саласына 12 мың маман қажет. Ал құрылыс саласында шамамен 102 мың маман жеткіліксіз. Осы бағытта білім алып жатқан студенттер саны 22 400 ғана. Яғни, сұраныс 4,5 есе жоғары. Ауыл шаруашылығына 73 мың жұмысшы керек. Ал білім алушылар саны 12 700. Демек бұл сұраныстан 5,7 есе аз. Бірақ соңғы 3 жылда барлық бағытта өсім бар. Колледждер саны, керекті мамандарды қабылдау және даярлау, түлектердің жұмысқа орналасу көрсеткіші артқан.