Ресейге баратын қазақстандықтарға қатаң талап қойылды

Осы жылдың қыркүйегінен бастап Мәскеуде немесе Мәскеу облысында 90 күннен артық болатын Қазақстан азаматтары үшін «Амина» мобильді қосымшасы арқылы көші-қон есебіне тұру міндетті. Бұрын жұмыс барысымен, оқу үшін баратын отандастар қосымшаны жүктеуден босатылған еді. «Амина» қосымшасы арқылы шетелдіктің нақты орналасқан жері туралы ақпарат Ресейдің құзырлы органдарына беріледі. Ал оны авторизациялау үшін шетел азаматының арнайы картасын алу қажет. Бұл талапты орындамағандар Ресейдегі Бақыланатын тұлғалар тізіміне енуі мүмкін.