Алматыда дропперлер қолға түсті

Алматыда заңсыз интернет-казинолардың жұмысын қамтамасыз еткен топ ұсталды. Олар онлайн-платформа арқылы ойыншылардан ақша қабылдаған. Бұл іске қатысушылардың бірі – шетел азаматы. Ол өзге елдерден өз банк шоттарын пайдалануға келісетін адамдарды тауып, аттарына Қазақстан банктерінің шоттарын аштырған. Осылайша күдікті 15 шетел азаматымен қатар өзінің картасын – ақша жылыстату үшін пайдаланған. Ойыншылардан 16 дроппердің шотына жалпы көлемі 110 млн теңгеден астам қаржы түскен. Күдіктілердің бірі қамауға алынды, тағы үшеуіне ешқайда кетпеу түріндегі бұлтартпау шарасы қолданылды. Қылмыстық іс сотқа жолданды.