Ұлыбритания Израильге қарсы шектеу енгізбек

Ұлыбритания Иордан өзенінің Батыс жағалауындағы Израиль қоныстарына қарсы экономикалық санкция жарияламақ. Корольдік бұл жерде өндірілетін тауарларды сатып алудан бас тартпақ. The New York Times басылымының хабарлауынша, осы қоныстарды салуға көмектесетін компаниялар да шектеуге ілігуі мүмкін. Ұлыбритания Палестина-Израиль қақтығысын шешу үшін екі мемлекет қағидасын қолдайтынын, халықаралық құқық нормаларын сақтау қажеттігін де жария етеді. Ал Израиль болса, санкцияларға қарымта жауап дайындап жатқанын мәлімдеді.