Нью-Йоркте Huawei компаниясына қарсы сот процесі басталды

Нью-Йоркте Huawei Technologies компаниясына 2019 жылы тағылған айыптарға қатысты сот процесі басталды. АҚШ прокуратурасы қытайлық компанияны Иранға демонстранттарды бақылауға арналған технология сатты, америкалық компаниялардың коммерциялық құпияларын ұрлады және Солтүстік Кореямен бизнес жүргізді деп айыптап отыр.

Huawei кінәні жоққа шығарып, құқық бұзушылық болмағанын мәлімдеді. Ал оның заңсыз әрекеттерге барғаны дәлелденсе, сол арқылы тапқан кірісі немесе мүлкі тәркіленеді.