Иран мен АҚШ бірін-бірі тағы атқылады

АҚШ пен Иран екі күндік үзілістен соң біріне бірі қайта шабуыл жасады. Америкалық әскерилер Иранның 5 мұнай танкерін жойғанын мәлімдеді. Ал Тегеран бұған жауап ретінде АҚШ-тың Иорданиядағы әскери базаларын, әскери және азаматтық кемелері мен 8 танкерін шабуылдаған. Иордания билігі Иран ұшырған 20 зымыранның 18-ін атып түсіргенін мәлімдеді. Ракеталар адам жоқ жерге құлаған. АҚШ пен Иран арасындағы текетірес мұнай бағасының өсуіне әкелді. Брент маркалы мұнайдың бір баррелі бір долларға қымбаттаған.