Ұлытау облысындағы ауылда мектеп ашылды

Ұлытау облысы Жаңаарқа ауданына қарасты Манадыр ауылында 80 орындық жаңа мектеп ашылды. Білім ошағы мемлекетке қайтарылған қаражат есебінен салынған. Заманауи мектепте 18 оқу кабинеті, робототехника бөлмесі мен спорт залы бар. Сонымен қатар оқушылар үшін футбол және баскетбол алаңдары да салынған. Жаңа білім нысаны ауыл балаларының сапалы білім алып, жан-жақты дамуына мүмкіндік береді. Жалпы, Ұлытау облысында жаңа оқу жылында 86 мектепте 41 мыңнан астам оқушы білім алып жатыр.