Қазақстандық саперлер 2 мыңнан аса оқ-дәріні жойды

Голан жоталарында қазақстандық саперлер 2 мыңнан астам жарылғыш зат пен оқ-дәріні жойды. Біріккен ұлттар ұйымының бөліну аймағын бақылау жөніндегі миссиясы құрамындағы үшінші ұлттық контингентінің инженерлік-саперлік тобы жарылғыш заттарды анықтау, залалсыздандыру және жою жұмыстарын жүргізіп келеді.Бітімгерлік миссияны атқару кезеңінде әскери қызметшілер биылғы мамырдан бастап 350-ден аса жарылғыш затты жойып, 1800-ден аса оқ-дәріні залалсыздандырған.