SuperStar KZ: Алғашқы шығарылым жоғары рейтинг жинады

Бір кездері миллиондаған көрерменді теледидар алдына жинап, талай таланттың жұлдызын жаққан аты аңызға айналған SuperStar KZ жобасы алғашқы шығарылымнан-ақ көш бастап тұр. Еліміздегі ең танымал музыкалық шоудың бірінші бағдарламасы 17 пайыздық үлеспен жоғары рейтинг жинады. Үздіктерді іріктейтін, таланттар додасына 16-25 жас аралығындағы өнерпаздар қатысып жатыр. Алғашқы шығарылымда 23 қатысушы өнер көрсетіп, 17-сі іріктеуден өтті. Олар – кәсіби музыкалық білімі жоқ, түрлі салада еңбек етіп, білім алып жүрген жастар.

Бірі сахнада қобалжыса, енді бірі өзін еркін сезініп, әлден-ақ көрерменді баурап, әр өңірден жанкүйерлерін жиып үлгерген.

Ал мега жобаның екінші шығарылымын осы сенбі күні сағат 20:30-да Ұлттық арна эфирінен тамашалай аласыздар.