Маңғыстауда 16 күндік шақалаққа ота жасады

Маңғыстауда туғанына небәрі 16 күн болған нәрестеге күрделі нейрохирургиялық операция жасалды. Сәбиге медицинада сирек кездесетін диагноз қойылған. Бұл – туа біткен жұлын жарығы. Күрделі ота кезінде арнайы нейромониторинг әдісі қолданылып, баланың жүйке жүйесінің қызметі жіті бақыланды. Бұл дәрігерлерге өзгерістерді дер кезінде байқап, ықтимал асқынулардың алдын алуға мүмкіндік берді. Мамандардың үйлесімді жұмысының арқасында ота сәтті аяқталып, сәби  үйіне шығарылды. Алдағы уақытта бала жоспарлы оңалтудан өтіп, дәрігерлердің тұрақты бақылауында болады.