ШҚО-да тұмауға шалдыққандар күрт көбейді

Шығыс Қазақстан облысында өткен жылдың дәл осы кезеңімен салыстырғанда жіті респираторлық вирус жұқтырғандар саны 9 пайызға, ал тұмауға шалдыққандар саны 5 есеге өскен. Науқастардың  50 пайыздан көбі 14 жасқа дейінгі балалар.

Облыстық эпидемиологиялық-бақылау департаменті мамандары биыл тұмауға байланысты инфекция күн суытпай тарап жатқанын растады. Дегенмен қазір сырқаттану деңгейі көпжылдық бақылау көрсеткішінен аспаған. Өңірге жергілікті бюджеттен тұмауға қарсы вакцинаның 75 мың дозасы сатып алынды. Тұрғындарға қыркүйектің он бесінен бастап қарашаның біріне дейін екпе  ерікті түрде салынады. Вакцина алдымен жүкті әйелдерге, медицина қызметкерлеріне, балаларға  созылмалы ауруы бар және 60 жастан асқан тұрғындарға салынады.