Сауд Арабиясы негізгі құбырын іске қоспаса, экспортқа арналған мұнай қоры таусылады

Егер Сауд Арабиясы алдағы екі күнде өзінің негізгі құбырын қайта іске қоспаса, оның экспортқа арналған мұнай қоры таусылады. Соның нәтижесінде әлем нарығы өзіне қажетті энергетикалық шикізаттың 4 пайызынан айрылады. Мұны Саудиядан «қара алтын» сатып алушылар мен трейдерлер мәлімдеді.

Айта кетсек, жұма күні бұл мемлекеттің «Шығыс-Батыс» құбыры дрондар шабуылына ұшырап, жабылып қалды. Содан кейін әлемнің ең ірі мұнай экспортерінен көмірсутегін шетелге жөнелту қиындап, баға қымбаттап барады. Бүгін мұнайдың Brent маркасының құны 3 пайызға жуық өсіп, 107 доллардан сатылып жатыр.