БҚО жастары мерзімді әскери қызметке аттанды

Оралда Батыс Қазақстан облысының жастары мерзімді әскери қызметке аттанды. Олар Отан алдындағы борышын Алматы қаласындағы Ұлттық ұланның 5571 әскери бөлімінде өтейді. Шығарып салу рәсімі «Сарбаз жолы» бастамасы аясында ұйымдастырылды. Басты мақсат – әскер мен қоғамның байланысын нығайтып, елін қорғауға дайын, отаншыл ұрпақ тәрбиелеу. Ал борышын абыроймен өтеген сарбаздар білім грантына ие болып, жоғары оқу орнында білімін жалғастыра алады.

Әскери қызметті өтеудің Қорғаныс министрлігінің жаңа жобасы бар. Әр әскерге шақыртудың кәсіптік дайындығы, тәртібі, жауынгерлік дайындығын жақсы көрсеткен сарбаздар  80-нен астам ЖОО-да тегін оқи алады.