Шыңжаңда птерозаврлар мұражайы ашылды

Қытайдың Шыңжаң-Ұйғыр автономиялық ауданында птерозаврларға арналған тұңғыш ғылыми мұражай ашылды. Кешен Хами ұлттық геопаркі аумағында орналасқан. Аумағы 5 мың шаршы метр болатын музейдің 5 сопақ залы бар. Олар биіктен қарағанда шөлдегі птерозаврлардың жұмыртқасына ұқсайды. Музейге келушілер птерозаврлардың жұмыртқалары мен эмбриондарын көре алады. Сонымен бірге кешен бор кезеңінде тіршілік еткен ұшатын кесірткелердің эволюциясын жан-жақты зерделеуге мүмкіндік береді.