Мұнай бағасы 110 долларға жуықтады

Мұнай бағасы күрт қымбаттады. Brent маркасының құны 110 долларға жуықтаған. Энергетикалық шикізат бағасының өсуіне Ормұз бұғазында кеме қатынасының баяулауы мен Сауд Арабиясының инфрақұрылымына жасалған шабуыл себеп. Өткен жұма күні корольдіктің «Шығыс-Батыс» құбыры дрондар шабуылына ұшырап, жабылып қалған еді. Содан кейін әлемнің ең ірі мұнай экспортерінен көмірсутегін шетелге жөнелту қиындап, ұсыныс азайды. Ормұз бұғазында кеме қатынасы тез арада қалпына келсе, қымбатшылық уақытша болуы мүмкін.