Түркияда 2027 жылы Айды зерттеуге ғарыштық аппарат ұшырылады

Түркия 2027 жылдың алғашқы айларында Айға ғарыштық аппарат ұшырмақ. Мұны осы елдің Өнеркәсіп және технология министрі Мехмет Фатих Каджир мәлімдеді. Оның сөзінше, бұл аппарат Ай орбитасына шамамен 60 күнде жетіп, космоста 1 жарым жылдай зерттеу жүргізуі мүмкін. Сол жұмыс барысында Күн желінің Айдың үстіңгі қабатымен өзара әрекеттесуі, Айдың магниттік өрісі және басқа да мәселелер сарапталады. Жоспар бойынша, зерттеу аяқталғаннан кейін ғарыш кемесі Ай бетіне бағыт алуы керек.