Сарапшы: Кореямен ынтымақтастық цифрлық инфрақұрылымды дамытуға мүмкіндік береді

Кореямен ынтымақтастықтың тағы бір маңызды бағыты – технология және цифрландыру. Қазақстанда жасанды интеллектімен қатар, деректерді сақтау мен өңдеу инфрақұрылымын дамытуға да басымдық беріліп отыр. Ал Корея бұл бағытта озық тәжірибесі бар елдердің бірі. Сондықтан екі ел арасындағы байланыс цифрлық инфрақұрылымды дамытуға мүмкіндік береді, дейді сарапшылар.

Әлия Қанатова, ҚҚДИ деректер және цифрлық шешімдермен жұмыс жөніндегі орталығының директоры:

Оңтүстік Корея үшін Қазақстан ол Орталық Азияға шығу нарығы болып саналса, Қазақстан үшін Оңтүстік Корея белгілі бір қосымша тәжірибелерді алмасу мемлекеті болып саналады. Оңтүстік Корея деректерді сақтау және деректерді өңдеу саласында жоғары дәрежеде тәжірибесі мол мемлекеттердің бірі және де бұл тәжірибені елімізге енгізу деректерді өңдеу орталықтарында, Павлодарда өте үлкен септігін тигізеді.