Ресейде орман өрті өршіп, ағаш өңдеу өнеркәсібі құлдырады

Былтыр Ресейде жеті мыңға жуық орман өрті тіркеліп, тілсіз жау 4,3 миллион гектар аумақты шарпыды. Ең көп зардап шеккен аймақтардың бірі Қиыр Шығыс. Салдарынан ағаш өңдеу өнеркәсібінде шикізат жетіспей жатыр. Осы жылдың алғашқы жартысында пиломатериал өндірісі 6 пайызға төмендесе, фанера өндірісі де бір жылда 11 пайызға қысқарған. Мамандар орманның қалпына келуі үшін ондаған жыл қажет екенін айтады. Мәселені шешу үшін Ресей 2030 жылға дейінгі «Ормандарды сақтау» жобасына 71 миллиард рубль бөлді.

Дмитрий Артюхов, Ямал-Ненец автономиялық округінің губернаторы:

Төтенше жағдай бойынша комиссия отырысын өткіздік. Өрт ошақтары елді мекендерден, маңызды нысандардан алыс орналасқан. Дегенмен, бірнеше ауданда әлі де тілсіз жаумен күрес жалғасуда. Осы жазда орман өртінің саны күрт артты.