ЕО 15 жасқа дейін балалардың әлеуметтік желіні қолдануына шектеу қоюды ұсынбақ

Еуропа одағы 15 жасқа дейінгі балалардың әлеуметтік желіні, видео бөлісу платформаларын, ЖИ-чат-боттарды, онлайн-ойындарды қолдануына тыйым салу туралы ұсыныс әзірлеп жатыр. Мұны «Рейтер» агенттігі Еуропа комиссиясы жариялаған құжатқа сүйеніп хабарлады.

Айта кетсек, қазір бүкіл әлемде Facebook, Instagram, TikTok, YouTube, ChatGPT тәрізді платформалардың өскелең ұрпақтың денсаулығы мен қауіпсіздігіне әсері үлкен алаңдаушылыққа себеп болып отыр. Сондықтан бірқатар елдердің үкіметтері балалардың зиянды контенттерге қолжетімділігін шектеуге мән беруде.