Қазақстанда буын тіндерін қалпына келтіру технологиясы әзірленіп жатыр

Елімізде зақымданған буын тіндерін қалпына келтіруге көмектесетін инъекциялық гидрогель әзірленіп жатыр. Технологияны бірнеше медициналық орталық пен академияның ғалымдары бірлесе қолға алған. Бұл гидрогель зақымданған аймаққа тікелей енгізіледі. Зерттеу тобы бұл әдістің тобық буынындағы шеміршек пен сүйек тіндерінің зақымдануын хирургиялық жолмен емдеу үшін керек екенін атап өтті. Бұл жоба бұған дейін жас ғалымдар байқауында бірінші орын алған.