Ақтөбе облысында ЖРВИ жұқтырғандар 110 мыңнан асқан

Ақтөбе облысында биыл жедел респираторлық вирусты инфекция жұқтырғандар саны 110 мыңнан асқан. Оның 62 пайызы 14 жасқа дейінгілер.

Дегенмен қазіргі уақытта стационарлық ем алушылар жоқ. Облыстық санитарлық-эпидемиологиялық бақылау департаменті өкілдерінің айтуынша, өңірде иммундау жұмыстары кеше басталды. Биыл тұрғындардың 15 пайызы қамтылады. Ел бойынша алдымен емхана, аурухана қызметкерлері мен медициналық бақылауда тұрған балаларға басымдық беріледі. Мамандар COVID-тің жаңа толқыны басталады деген қауесетке сенбеуге шақырады. Жағдай бақылауда.