Түркістан облысында ₸103 млн субсидияны жымқырған

Түркістан облысында мал шаруашылығын дамытуға бөлінген 103 млн теңге субсидия жымқырылған. Қылмыстық топтың заңсыз әрекетін Қаржылық мониторинг агенттігі өкілдері анықтады. Мемлекеттен бөлінген субсидияны алу үшін күдіктілер  үшінші тұлғалардың атына ресми тіркелген 4 жеке кәсіпкерлік нысанды пайдаланған. Осы арқылы олар ақпараттық жүйелерге мал сатып алу, асылдандыру жұмыстарының жүргізілгені туралы жалған мәліметтер енгізген. Кейін солардың негізінде субсидия алуға өтінімдер берген. Күдіктілер бюджеттен алынған қаражатты қолма-қол ақшаға айналдырып, бөліп алғаны анықталды.