Талдықорған жастары Қаратал өзенінің жағалауын тазалады

Талдықорған жастары «Таза Қазақстан» акциясы аясында Қаратал өзенінің жағалауын күл-қоқыстан тазартты. Сондай-ақ эко белсенділер арасында түрлі ойын мен квест өтті. Қатысушылар табиғатты қорғау мен қалдықтарды сұрыптауға қатысты тапсырмалар орындап, үздіктер анықталды. Ұйымдастырушылардың айтуынша, мұндай шаралар тұрғындардың экологиялық мәдениетін қалыптастырып, табиғатқа деген жауапкершілігін арттырады.

Нұрислам Жұмабай, студент:

Ойын ретінде де ұйымдастырылып жатқаны өте жеңіл. Мысалы, қазіргі жастар далаға шығып, тазаламайды. Қоқыс жинап жатып, қалай тез жинағанымызды да білмей қалдық.