Астанаға Сыр өңірінен сауда керуені аттанды

Сыр өңірінен 600 тонна ауыл шаруашылығы өнімдері Елордаға жөнелтілді. Аймақ шаруалары алдағы демалыс күндері Астанада өтетін жәрмеңкеге 100 жүк көлігімен аттанды. 

Биыл Сыр диқандарының ырзық-несібесі мол болды. Арқа төріндегі тұрғындарға өңірдің басты дақылы 230 тонна ақ күріш, 60 тонна ет және балық, бақша мен көкөністің түр-түрі ұсынылады. Жәрмеңкеде барлық ауыл шаруашылығы тауарлары базар нарғынан 20 пайызға дейін арзан сатылады. 

Айдана Бекқызы, кәсіпкер:

Арал ауданынан шұбат апара жатырмыз түйенің сүтінен. Сосын қымыз, құрт-май ірімшік. Сөк-талқан дегендей заттар алып бара жатырмыз. Ет, жылқының еті өте сұранысқа ие.