Алматыда конақүй көп салына бастады

Алматыда қонақүй құрылысы қарқынды жүріп жатыр. Қазір қалада жалпы құны 900 миллиард теңгеге жуық 87 қонақүй жобасы жүзеге асырылуда. Олар толық іске қосылса, тағы 9 мың 590 қонақүй нөмірі ашылады. Биыл жыл басынан бері қалада 26 қонақүй ашылып, 1 мың 103 нөмір пайдалануға берілген. Ал жылдың алғашқы жартысында Алматыдағы қонақүйлер мен басқа да мейман қабылдайтын нысандар 1 миллион 100 мыңнан астам адамды қабылдаған. Туристерге көрсетілген қызметтен түскен табыс 53 миллиард теңгеден асты. Бұл өткен жылдың дәл осы кезеңімен салыстырғанда 6 пайызға көп.