Хуситтер Адендегі президент сарайына зымыранмен соққы берді

Йемендік хуситтер елдің оңтүстігіндегі Аден қаласындағы президент сарайына зымыранмен соққы берді. Йемен ақпарат министрлігінің дерегінше, бес ракета әл-Маашиқ резиденциясына тигенде көп адам жараланды. Екі қауіпсіздік қызметкері мерт болған.

Айта кетсек, порттық шаһар Аденде Йеменнің халықаралық қауымдастық мойындаған үкіметі орналасқан. Ираншыл шиит-хуситтер қазір Сауд Арабиясына арқа сүйеген дәл осы үкімет әскерімен соғысып жатыр.

Бұған дейін Мекке маңында зымыран құлатылғаны туралы мәлімет түсті. Алайда, хуситтер бейсенбі күні Саудияға шабуыл жасамағандарын хабарлап отыр.