«Ұлттық қор – балаларға»: Пайдаланылмаған қаржы қайда сақталады?

 «Ұлттық қор – балаларға» бағдарламасы бойынша жинақталған қаражатты 18 жасқа толғаннан кейін бірден пайдалану міндетті емес. Ақша жинақтау шотында 10 жыл бойы сақталады. Осы уақыт ішінде азаматтар қаражатты толық немесе ішінара жұмсай алады. Ал 10 жыл ішінде пайдаланылмаса, қаражат сол азаматтың жеке зейнетақы шотына аударылады. Бұл туралы Бірыңғай жинақтаушы зейнетақы қоры хабарлады. Президент тапсырмасымен 2024 жылы іске қосылған жоба аясында 7 млн-ға жуық баланың шотына шамамен 2,5 миллиард доллар қаражат аударылған. Бүгінде кәмелетке толған 365 мыңнан астам жеткіншек өз жинағын пайдаланып, бағдарламаның игілігін көрді.