Отбасының әл-ауқатын бағалайтын калькулятор іске қосылды

Мемлекеттік жәрдемақы кімдерге беріледі? Енді мұны eGov порталы арқылы білуге болады. Онда отбасының әлеуметтік жағдайына қарай қай санатта екенін анықтап беретін «әл-ауқат» калькуляторы іске қосылды. Жүйеге табысыңызды енгізсеңіз, ай сайын қанша қаржы берілетінін есептеп береді. Еске салсақ, елде келесі жылдан бастап әлеуметтік көмекті тағайындау тәртібі өзгереді. 36 мемлекеттік жәрдемақының 14 түрін тағайындау кезінде мұқтаждық қағидаты қолданыла бастайды. Енді отбасының табысы, баспанасы, көлігі және басқа да мүлкі ескеріледі. Табысы жоғары А және В санатындағы отбасыларға бұл жәрдемақыларды төлеуге шектеу қойылады.