Президент CNMC компаниясының басшысын қабылдады

Мемлекет басшысы Қасым-Жомарт Тоқаев CNMC компаниясы директорлар кеңесінің төрағасы Вэнь Ганды қабылдады. Кездесуде Президент Ақтоғай кен орнында мыс балқыту зауыты құрылысының басталуын маңызды оқиға деп атап өтті. Бұл жоба Абай облысының экономикасын дамытуға және еліміздің өңдеу өнеркәсібін өркендетуге серпін бермек. Вэнь Ган зауыттың белгіленген мерзімде, озық технологияларды қолдану арқылы салынатынын жеткізді. Сондай-ақ өндірістік және экологиялық қауіпсіздік талаптары қатаң сақталатынын айтты. Жоба аясында жаңа жұмыс орындары ашылып, жергілікті мамандарды даярлауға басымдық беріледі. Тараптар зауыт құрылысы Қазақстан мен Қытай арасындағы өнеркәсіптік ынтымақтастықты нығайтатынына сенім білдірді.