Өскеменде экологтар жастарға дәріс оқыды

Экологиялық мәдениет – табиғатты қорғауға деген жауапкершіліктен басталады. «Таза Қазақстан» жалпыұлттық акциясы аясында былтырдың өзінде Шығыс Қазақстан облысы бойынша жарты миллион тоннаға жуық қоқыс шығарылыпты. Өскеменде осы бастамаға үлес қосып жүрген еріктілерге экологтар дәріс оқыды. Қатысушылар өңірдегі экологиялық мәселелерді талқылады. Кездесу ашық диалог форматында өтті. Жастар сұрақтар қойып, ой-пікірлерін ортаға салды.

Томирис Ермекқызы, волонтер:

«Таза Қазақстан» дегенде бірден табиғаттың тазалығы ойымызға келеді. Бірақ ойдың тазалығы, жан-дүниенің тазалығын ұмытпауымыз керек. Бүгінгі кездесуде облыстың мықты экологтарымен кездесу өтті. Бұл біздің тәжірибе алмасуымызға үлкен себеп болды.