Ресейде Зика безгегі анықталды

Ресейде Зика безгегі тіркелді. Қауіпті вирус Бали аралынан Мәскеуге оралған әйелден анықталған. Мамандардың айтуынша, безгекті жұқтырған адамдардың көпшілігінде ауру белгілері байқалмайды. Ал кейбір науқастарда дене қызуы көтеріліп, бас ауыруы, бұлшық ет пен буынның сырқырауы, теріге бөртпе шығуы және көздің қызаруы мүмкін. Инфекция әсіресе жүкті әйелдер үшін қауіпті. Сирек жағдайда инфекция жүйке жүйесіне әсер етіп, Гийен–Барре синдромы сияқты ауыр асқынуларға себеп болуы ықтимал. Дүниежүзілік денсаулық сақтау ұйымының деректеріне сәйкес, әлемнің 90-нан астам елі мен аумағында вирус анықталған. Қазіргі уақытта бұл инфекцияға қарсы кеңінен қолданылатын мақұлданған вакцина жоқ.