Димаш Құдайбергеннің Испаниядағы жанкүйерлері қайырымдылық жасады

Димаш Құдайбергеннің Испаниядағы жанкүйерлері қайырымдылық жасады. Әншінің Мадридтегі концерті қарсаңында есту және көру қабілеті қатар бұзылған адамдарға көмек көрсететін Санта Анджела де ла Крус орталығына 3 000 еуро аударылды. Фан-клуб өкілдерінің айтуынша, қайырымдылық шарасын ұйымдастыруға Димаштың игі істері мен өзгелерге қолдау көрсетудің маңыздылығын үнемі дәріптеп жүрген өнегесі үлгі болған екен. Биыл жанкүйерлер өнерпаздың Испанияға келуіне орай ерекше сый жасауды ұйғарып, көмекке мұқтаж жандарға қаржылай қолдау көрсетуді жөн көрген.