Биыл мамандық таңдауға көмектесетін цифрлық платформаны 35 мыңға жуық оқушы қолданған

Мамандық таңдауға көмектесетін цифрлық платформаны қолданатын мектеп оқушылары көбейді. Еңбек және халықты әлеуметтік қорғау министрлігі «Мансап компасының» тестілеуінен биыл 34 596 оқушы өткенін хабарлады. Кәсіби бағыт-бағдар беретін Платформаға жүгінгендердің басым көпшілігі Қызылорда облысында тіркелді. Онлайн жүйе арқылы 22 602 оқушы болашақ мамандығын анықтағысы келген. Бұдан бөлек, Шығыс Қазақстан және Жамбыл облыстары, Астанада қаласының оқушылары платформаны қолдануда белсенділік танытқан. Қазір «Мансап компасында» экономикаға қажетті 730 мамандық туралы ақпарат жинақталған. Олар экономиканың 16 бағытына бөлінген.