Президент Жолдауындағы бастамаларды заңнамалық тұрғыда қамтамасыз ету мәселесі талқыланды

Вице-Президент Ерлан Қарин Құрылтайдағы саяси партиялар фракцияларының жетекшілерімен кездесті. Жиында Президент Жолдауындағы бастамаларды заңнамалық тұрғыдан қамтамасыз ету мәселелері талқыланды. Ерлан Қарин «Халықтық құрылыс» бағдарламасы, цифрлық экономиканы дамыту және инфрақұрылымды жаңғырту бағытындағы тапсырмалардың маңызын атап өтті. Партия фракцияларының жетекшілері Жолдауда көтерілген бастамаларды қолдап, ынтымақтастыққа және бірлескен жұмысқа дайын екенін мәлімдеді.