Өмір сүру ұзақтығы 76 жасқа таяды

Елімізде орташа өмір сүру ұзақтығы рекордтық деңгейге жетті. Тәуелсіздіктің 35 жылдығы қарсаңында Денсаулық сақтау министрлігі атқарылған жұмыстарының қорытындыларын жариялады. Министрліктің мәліметі бойынша, елімізде өмір сүру ұзақтығы 75,97 жасқа жетті. Бұл көрсеткіш 1991 жылы 67,6 жас болған. Тәуелсіздік жылдары сәби өлімі 4,5 еседен, ана өлімі 6 есе, ал туберкулезден болатын өлім 10 есе азайды. Денсаулық сақтау инфрақұрылымы да айтарлықтай жаңарып, 1 259 жаңа медициналық нысан ашылды.