Тұрғын үйді міндетті сақтандыру үшін жылына 5 доллар мен 50 доллар аралығында төленуі мүмкін

Түркия мен Еуропаның тәжірибесіне сүйене отырып, арнайы жұмыс тобы осы тарифті қарастыруда.

Тұрғын үйді міндетті сақтандыруға жылжымайтын мүлкі барлар жылына 5 доллар мен 50 доллар аралығында төлеуі мүмкін. Түркия мен Еуропаның тәжірибесіне сүйене отырып, арнайы жұмыс тобы осы тарифті қарастыруда.

Ұлттық экономика министрлігінің бастамасымен арнайы жұмыс тобы жеке тұлғаларды тұрғын үйді сақтандыруға міндеттеу туралы заң жобасын дайындап жатқаны белгілі.

Сол топ құрамындағы Сақтандыруды кепілдендіру қорының басқарушы директоры Марина Шиповалованың айтуынша, сақтандыру тарифі табиғи апаттардың қауіп мөлшеріне қарай бекітіледі.

Индира ТҰРСЫНБАЙ