Қазақстанда бензин бағасы қаншаға көтеріледі?

Қазақстан тұтынатын бензиннің 40 пайызын осы Ресейден импортталатынын ескеріп, сарапшылар, біздегі бензин ең кемі 4 теңгеге шарықтайды деп топшылайды.

Еліміздің Энергетика министрлігінің ақпаратынша, Ресей зауыттарынан жыл сайын 1 миллион тоннадан артық жанар-жағармай сатып алып отырмыз. Импорт көлемі биыл да былтырғы деңгейде қалатын түрі бар. Соған қарағанда бензин құнының артатынына ешқандай күмән жоқ.