Мұнай бағасы неге түсіп жатыр?

20 сәуір әлем экономикасын тағы бір дүр сілкіндірген күн болды. Америкалық мұнай бағасы тарихта алғаш рет нөлден төмен деңгейге түсіп кетті. WTI маркалы мұнайдың бағасы тарихи рекордтық деңгейге төмендеп, барреліне -37,63 долларға бағаланды. Дәл қазіргі уақытта WTI бағасы оң нәтиже көрсете бастады.

Сарапшылар «қара алтын» бағасының бұлай тез құлдырауын мамыр айының фьючерстерін сатудың соңғы күнімен және коронавирус пандемиясы әсер етуі мүмкін дейді. Себебі пандемия салдарынан шикізатқа сұраныс азайып, мұнай сақтау орындары толып қалған. Сонымен қатар, экономистер әлемдік мұнай өндіруші елдердің ОПЕК+ ұйымындағы жаңа мәмлеге кеш келуі мұнай нарығында осындай өзгерістер әкеліп отырғанын да жеткізді.