Мемлекет басшысы Мәдениет және спорт министрі Ақтоты Райымқұлованы қабылдады

Латын әліпбиін енгізу мәселесінде асығыстық жасамау керек. Мемлекет басшысы Қасым-Жомарт Тоқаев Мәдениет және спорт министрі Ақтоты Райымқұлованы қабылдап, латын қарпіне қатысты жұмыстарды ғалымдармен жан-жақты сараптай отырып жүргізу керек екенін айтты. 

Сонымен қатар, биылғы Жолдауда айтылған басым бағыттарды тиісті деңгейде жүзеге асырып, бұқаралық спортты кеңінен насихаттау арқылы оны одан әрі дамытуға қатысты нақты тапсырмалар берді. Ведомства басшысы бұл жұмыстар қарқынды жүріп жатқанын жеткізді. Сондай-ақ, мәдениет қызметкерлерінің еңбекақысын көбейту мақсатындағы бастамалар туралы айтты. Қазірдің өзінде олардың жалақысы жергілікті жерлерде 35 пайыға, ал республикалық деңгейде 50 пайызға дейін өскен. 

Асима Нұрбайқызы