Үндістанда алапат дауылдан 18 адам қаза тапты

Үндістанға «коронавирус дауылымен» қатар, теңіз дауылы да соққы берді. Елдің батыс жағалауында «Тауктае» циклонынан 18 адам қаза тапты. Тағы 130 шақты тұрғын із түзсіз жоғалған. Сенбіден бері толастамаған нөсер жауын мен дүлей жел үйлерді қиратып, мыңдаған ағашты тамырымен жұлып әкеткен. Электр сымдары үзіліп, тұрғындар жарықсыз қалды. Қауіпті аудандардан 150 мыңдай адам көшірілген. Жергілікті билік табиғи апат кесірінен коронавирус жұқтырғандар еселеп артуы мүмкін деп алаңдап отыр. Дауыл ауруханаларға медициналық заттарды жеткізуге де кедергі келтіріп жатыр.

Жансая Қапасқызы