Ресейде 63 жылдан бері болмаған аптап ыстық тіркелді

Ресей астанасы Мәскеуде ауаның температурасы 63 жылдан бері болмаған рекордтық деңгейге дейін ысыды. Дүйсенбіде мұнда термометр бағаны 30 градустан асқан. Бұл мамыр айы үшін ерекше жағдай дейді мамандар. Соңғы рет мұндай құбылыс 1958 жылы тіркелген. Аптап ыстық салдарынан бірқатар өңірлерде орман алқабы мен тұрғын үйлер өртенді. Синоптиктердің хабарлауынша, ауа райы бейсенбіге қарай 18-23 градусқа дейін төмендейді.

Жансая Қапасқызы