АҚШ Ашраф Ғани елінен ақшамен қашты деген мәліметті тергемек

АҚШ Ауғанстанның бұрынғы президенті Ашраф Ғани елінен миллиондаған доллармен қашты деген мәлімет бойынша тергеу жүргізмек. Мұны Құрама Штаттардың Ауғанстанды қалпына келтіру жөніндегі арнайы инспекторы Джон Сопко мәлімдеді. Айта кетсек, Ғани тамыздың ортасында тәліптер Кабулге басып кіргенде шетелге кетті. Ол қазір Біріккен Араб Әмірліктерінде тұрып жатыр деген мәлімет бар.