Шығыс Қазақстанда жыл басынан бері 160 көлік өртеніп кетті

Шығыс Қазақстанда жыл басынан бері 160 көлік өртеніп кетті. Мамандардың айтуынша, мұндай оқиғалар негізінен электр сымдарының қысқа тұйықталуынан болады. Ал қыс басталысымен өрт одан бетер көбейіп кетті. Өйткені аязда қатып қалған көлігін от алдыру үшін тұрғындар қауіптілігін ескермей түрлі әдіс қолданады. Әрі көбі көлік жана бастағанда өз күшімен сөндірем деп ақыры опық жеп қалады. Бұл әрекетінен түк шықпаған соң ғана құтқарушыларға хабарласады, бірақ әдетте тым кеш болып жатады.