Жамбылда қару жасырған 19 жастағы тұрғын ұсталды

Жамбылда қару жасырған 19 жастағы тұрғын ұсталды. Тұрар Рысқұлов ауданы Жаңатұрмыс ауылының тұрғыны үйінің ауласына ұрланған қару-жарақ пен оқ-дәрілерді көміп қойған.

Пакеттердің ішінен бір «Калашников» автоматы, үш травматикалық газ тапаншасы, автоматқа арналған 76 патрон және тегіс ұңғылы аңшылық қарудың 26 оқ-дәрісі тәркіленді. Ұсталған адам өз кінәсін толық мойындады. Аталған дерекке қатысты сотқа дейінгі тергеу амалдары басталып, сот-баллистикалық сараптамасы тағайындалды.

Сәбит Мамытбеков, Меркі аудандық полиция бөлімінің бастығы:

Жаңатұрмыс ауылының 2003 жылғы Ш. есімді тұлғаның үй-жайын қарау барысында, аулада тығылып жатқан 3 дана травматикалық газды тапаншасы, 76 дана автомат және 26 дана тегіс ұңғылы қарудың оқ-дәрілері табылды. Сонымен қатар, «Калашников» автоматы табылған болатын. Осы табылған заттарға тиісті сот сараптамасы тағайындалып, күдікті тұлғаға қатысты тергеу жүргізілуде.