Премьер-Министр ЕҚДБ вице-президентімен кездесті

Премьер-Министр Әлихан Смаилов Еуропа қайта құру және даму банкінің вице-президенті Алан Пиюмен кездесті. Тараптар инвестиция тарту және экология мәселелері бойынша бірлескен жобаларды іске асыру жайын талқылады. Үкімет шағын-орта кәсіпкерлікті қолдау мен муниципалдық әрі корпоративтік бағыттар бойынша Еуропа қайта құру және даму банкімен ынтымақтастық орнатқан. Биыл оның орнағанына 30 жыл. Осы кезеңде экономиканың әртүрлі салаларында 10 млрд доллардан астам қаржыға 300-дей жоба жүзеге асырылды. Ал, Алан Пию Қазақстандағы реформаларды жоғары бағалап, қарым-қатынасты нығайтуға мүдделі екенін білдірді.