Атырау облысында атты адам суға кетті. Тағы бір малшы іздестірілуде

Атырау облысында Ойыл өзенінен атпен өтпек болған адам суға батып кетті.

Оқиға Қызылқоға ауданындағы Тайсойған ауылы маңында болған. 26 жастағы жігіт малын іздеп шыққан. Атқа отырған күйі Ойылдың арғы бетіне өтпекке оқталған. Суды кешіп, бел ортасына келгенде өзен деңгейіне бойлай алмай, ағыс алып кеткен. Оның денесін құтқарушылар екі күннен кейін тапты.

Аталған аудандағы Тасшағыл елдімекенінде де малын қарауға шыққан 2001 жылы туған тұрғын із-түзсіз кетті. Оны мамандар 3 күннен бері таба алмай жатыр.