«Amanat» партиясының қатары толықты

Партиялықтар қатарына тележурналист Мақсат Толықбай, «Talap» Акционерлік қоғамының президенті Олжас Ордабаев, «Қазақстан Халқына» Қоғамдық қоры басқарма төрағасының орынбасары Ләззат Шыңғысбаева қосылып, жалпы бизнес, үкіметтік емес ұйымдар мен белсенді жастар «Amanat»-қа мүше болды. Атқарушы хатшы Асхат Оралов «Amanat»-тың трансформациялауға қатысты жобаларын сапалы іске асыруға партияның жаңа мүшелері өз үлесі мен тың идеясын қосады деген сенім білдірді. Ал партия қатарына қабылдау «Amanat»-тың барлық өңірдегі филиалдарында өтіп жатыр.