Равиль Гайнутдин: Қазақстан – бейбітшілікті бірінші орынға қойған мемлекет

Қазақстанда қыркүйек айында өтетін Әлемдік және дәстүрлі діндер көшбасшыларының VII съезі бейбітшілік пен тұрақтылықты нығайтуға үлес қосады. Ресей мұсылмандары діни басқармасы және Ресей мүфтилер кеңесінің төрағасы, шейх Равиль Гайнутдинның пікірі осылай. Қазіргі геосаяси жағдай, геостратегиялық текетірестер дүниені теңселтіп қойды. Ал Қазақстан жауласып жаға жыртысқандарды елдестіруде елеулі істер атқарды. Алдағы съез қауіпсіздік пен бітімгерлікті қамтамасыз етуде таптырмас алаң болмақ.

Равиль Гайнутдин, РФ Мұсылмандары діни басқармасының және Ресей мүфтилер кеңесінің төрағасы:

Қазақстан – сыртқы һәм ішкі саясатында бейбітшілікті бірінші орынға қойған мемлекет. Осылайша өзге елдерге үлгі көрсете білді. Себебі сан түрлі ұлттар ұйысып, тату-тәтті өмір сүруде. Ал бұл жолғы жиын жаһандық кикілжіңдердің күшеюімен тұспа-тұс келіп отыр. Сондықтан үмітіміз зор.